該主題包含 0 則回覆,有 1 個參與人,並且由 於 2020 年 8 月 5 日 下午 1:22 最後更新。

  • 作者
    文章
  • #59166
     Adm Buddy 
    管理員

    擁有一隻船,係好多人既夢想。特別係對於年青人,有隻船,可以約埋三五知己,係個海度周圍遊,去D少人到既地方,得閒時又可開下船P,今日去呢度去遊下水,下星期去果度去釣下魚,下個月去乜乜島食下飯,無拘無束,又真係幾寫意既!

    (喂喂喂!!醒喇喂!!)

    以上所謂既「寫意」,可能只係一時既「夢想」,世事邊有咁完美吖!!

    一個準船東係決定買船前,有大量既前期工作,如果自已無駕駛證既話就先要考翻個牌先,或者搵定船長渣船;另外仲要諗諗買邊種船、全新定二手、船長幾多、試船同搵泊船位等,總之要做一系列煩到嘔既決定。

    船隻交收日,收到船既一刻,新船東肯定第一時間約埋三五知已出海吹風,好不威風,興奮程度到達頂點。而緊接幾日,甚至成個月,幾乎一有時間就會痞喺隻船度,左抹右搞,不亦樂乎。

    買船初期,新船東幾乎每星期出海暢遊,招呼唔同既老友,探索唔同嘅地方,但時間越耐,出海既頻率就會越來越少,由一星期一次變成一個月一兩次,再變成幾個月一次。

    點解??!!因為唔係個個人都頂得順係船度左搖右擺,又拋上又拋落,又暴曬又吹風既環境。一眾親朋戚友未出過海就好想出,一出過就無幾個頂得順而唔想再試,搞下搞下,仲有幾個人肯陪你出吖!?!?另外,特別係澳門,來來去去都只係黑沙、竹灣、新口岸,遊艇會上船,遊艇會落船,冇乜地方遊,真係非常孤燥,非常乏味。

    另外一個嚴重減低出船意慾就係「壞機」,部機如果有乜頭痕身熱,傷風感冒時,幾時「醫」得翻,要用幾多銀去醫,真係無法預計。好多時因為要寄零件,又或師父唔得閒,分分鐘要等一頭半個月。

    如是者出船少人陪,整機又麻煩,重復幾次,玩船就會玩到好無隱!到呢個階段,好多人就會諗「賣船」退場,費事煩!!

    但「賣」船呢家野,真係唔係咁容易,要講Timing,除非係「不計成本、志在出貨」監平監濺咁賣,否則三、五年賣唔出都唔出奇!等個三幾年後,只要有人出價,好多時都係求其攞個合理意頭價就成交,唔會再堅持自已個價。

    收訂個刻,原船東會感到如釋抱負,到交易落實果刻更加會覺得全身鬆曬,蝕左幾多銀都已經唔緊要囉,要食翻餐慶祝下!而新船東則進入另一個「踩落氹」既循環!哈哈!!

    所以有人話:玩船「最開心」就係《收船》同《賣船》果兩日。你地同唔同意????

    同意就係我地FB留個「like👍」,而唔同意就留個「嬲嬲😡」喇!

     

正在檢視 1 篇文章 - 1 至 1 (共計 1 篇)

「一.版主發佈區」討論已關閉,無法發表主題與回覆。

©2020 MacauBoating.com 澳門遊艇交流

Log in with your credentials

or    

Forgot your details?

Create Account